Bombay Bar & Restaurant

营业中

休息中

一场老远去到南丫岛工作，梗系要蛇一蛇享受一下平日的小岛风情啦，本来想食另一间Openrice排名高D的All Day Breakfast餐厅，可惜去到发现是日休息，无计，结果就去咗呢一间印度餐厅。点解话佢服务态度好好？因为我叫咗杯青岛生啤，谂住都安全，点知一入口就中伏，酸嘅，真系估唔到咁大路嘅青岛都赖野，心中争扎了一阵，究竟同唔同间餐厅讲叫佢换过一杯呢……因为好多时D餐厅酒吧都好衰好串，又话你唔识野，又黑口黑面，而且换一杯又唔知会唔会加料，但系呢一间餐厅就好好，一同佢讲佢就立即讲唔好意思，佢话因为系最后一两杯，所以有机会有变坏嘅情况，结果就换咗杯1664比我，我饮两啖之后仲问我有无问题添，真系好好人。至于食物，点了芝士菠菜点Naan Bread，都好味、正正常常，不过仍有进步空间。