THE MUSSELS

营业中

休息中

呢间餐厅食物质素还可以，但最想讲嘅系所有员工嘅服务态度都好差。餐厅本身比较细，枱亦都好细，而且座位狭窄，所以我地问店员会唔会有张凳比我地摆野，店员嘅回答系"无"，然后就完。然后我地叫左白酒汁青口，青口系附送薯条嘅，店员亦喺上菜时讲话薯条系点青口嘅白酒汁食嘅，但当我地食完哂青口，仲食梗薯片嘅时候，店员多次想收走装汁嘅碟，而我亦都多次表示想留低个汁。朋友其实预先同餐厅𠮶边讲想order 写happy birthday 嘅甜品，但系去到7:50分左右就有店员同我地讲要交枱，完全冇提早话我地知，我地问可唔可以嗌埋甜品，然后都系好直接咁讲"唔可以"，再指住另一枱已坐低左嘅客人讲"其实佢地等梗你张枱"，但其实当时现场仍然有多张空枱。其实我地完全理解时间紧迫，同埋餐厅空间有限，但系所有店员对于我地嘅请求都用好无礼嘅回应，我地真系觉得呢次用餐体验好差。