影片
更多
2024-10-13
4331 浏览
食个煲仔饭，搞到我第一次写食评，只因受到极差对待。朋友从英国回港，佢话挂住几年前食嘅坤记煲仔饭，所以几日前特登同佢出港岛食，回味一下。出发前已经预咗要排队，因为朋友话佢几年前食都要排少少队，加上而家有米芝莲光环，所以我哋预多咗时间去排队。由于店舖非常细，所以我哋排咗一个钟头先入到去。都预咗要同陌生人夹枱坐，但冇谂到佢安排一张好细嘅圆枱，但就要六个人逼住一齐坐，迫到基本上我对手系郁唔到咁滞。所以我哋打算快啲食完就走，点知我哋落单后成一个钟头都未有得食，反而同枱另一对情侣，迟过我哋落单，但快过我哋有得食煲仔饭。所以我就主动问店员会唔会系漏咗单，点知个店员西我哋面，态度唔好地覆我哋：「等吓啦，整紧」，亦都冇解释点解人哋迟过我落单反而快过我有得食。之后仲不断俾说话我听，同枱有人食完走咗，入咗一对新嘅情侣，佢哋叫咗炒生菜，店员好快就拎咗炒生菜俾佢食，仲大叫「嗱呢啲就上得快啦！」，好似俾说话我哋听咁。其实当时觉得好嬲，而家系咪想跟进吓有冇漏单嘅情况都唔俾？？有米芝连光环就可以咁差态度？朋友食完都觉得好失望，佢话几年前食唔觉得态度有咁差，但今次食完觉得唔会再帮衬。客观啲讲，佢嘅食物质素系好食，但味道
朋友从英国回港，佢话挂住几年前食嘅坤记煲仔饭，所以几日前特登同佢出港岛食，回味一下。
出发前已经预咗要排队，因为朋友话佢几年前食都要排少少队，加上而家有米芝莲光环，所以我哋预多咗时间去排队。
由于店舖非常细，所以我哋排咗一个钟头先入到去。都预咗要同陌生人夹枱坐，但冇谂到佢安排一张好细嘅圆枱，但就要六个人逼住一齐坐，迫到基本上我对手系郁唔到咁滞。
所以我哋打算快啲食完就走，点知我哋落单后成一个钟头都未有得食，反而同枱另一对情侣，迟过我哋落单，但快过我哋有得食煲仔饭。所以我就主动问店员会唔会系漏咗单，点知个店员西我哋面，态度唔好地覆我哋：「等吓啦，整紧」，亦都冇解释点解人哋迟过我落单反而快过我有得食。之后仲不断俾说话我听，同枱有人食完走咗，入咗一对新嘅情侣，佢哋叫咗炒生菜，店员好快就拎咗炒生菜俾佢食，仲大叫「嗱呢啲就上得快啦！」，好似俾说话我哋听咁。其实当时觉得好嬲，而家系咪想跟进吓有冇漏单嘅情况都唔俾？？有米芝连光环就可以咁差态度？
朋友食完都觉得好失望，佢话几年前食唔觉得态度有咁差，但今次食完觉得唔会再帮衬。客观啲讲，佢嘅食物质素系好食，但味道被过分吹捧。加上服务态度咁差，已经Blacklist，以后都唔会再帮衬。
白鳝煲仔饭
380 浏览
1 赞好
0 留言
张贴
