熟客

营业中

休息中

我系食夜晚𠮶餐嘅，谂住掂冇乜人，同埋间嘢布置得几靓，咪试吓啰，啲嘢食系正常水准嘅，但卫生麻麻地，我见张枱仲有之前D客食剩ge 野。同埋如果客人对食物上有少少特别要求就唔好喺度食，我𠮶时我见到有个职员同另外一个职员讲话个客想走芫荽同埋多洋葱，然后另外一个职员不停质疑个客嘅要求，好似讲到个客ge要求好唔合理，仲怀疑佢听错Tim，最后另外一个职员返佢去问多次⋯另外一问题系间嘢系好嘈，唔系因为太多人，而系有好多职员同埋管理层好大声咁样喺度一齐吹水，系话啲上次D客叫得少嘢，佢大概系咁样讲「人哋一两个人都叫四支红酒饮啦，佢哋四个人竟然净系叫一支红酒」，其实究竟我系嚟食饭定系嚟听你哋吹水？跟住我仲见到有个客想叫职员，但佢哋挂住吹水睇唔到，最后要个客好大声咁叫先有职员过嚟，新开已经搞成咁，之后发展成点真系唔敢想像，btw我唔会再去食