影片
更多
2022-09-16
457 浏览
我真心奉劝大家唔好去呢间王牌冰室食野。第一次嬲到打食评。🙏🏼🙏🏼🙏🏼今日下昼做完野，谂住同妈咪喺附近是但揾间茶记食野，跟住见到呢间王牌冰室就走左入去。入到去见到好多人排队叫外卖，啲侍应都唔得闲理我地。有一个男侍应递住𩠌咁行过黎，妈咪就问佢有冇两位。点知个侍应好快咁走左，仲细细声讲：「自己睇啦，见唔到冇位咩？」佢讲𠮶阵我喺佢隔离，但系佢可能以为我听唔到。咁好啦，我地咪睇下有冇得㩒飞，见到门口部ipad以为有得㩒飞，点知都系冇。咁啱有个女侍应出完餐走番过去厨房，跟住佢撞到妈咪，对唔住都冇声就走左。𠮶阵我已经觉得有少少㷫。后来有一枱人走左，冇人收枱上面既野食。我地见冇人招呼我地咪坐低左。有另一个女侍应走埋黎，问我地系咪叫左乜乜乜餐同埋红豆冰，我地话：「我地冇啊，我地系啱啱坐低。」个女侍应即刻好大反应就话：「未收枱做咩坐低啊？」我地心谂：未收得切枱系咪应该系你地既问题啊？个女侍应一路收碟一路不断重复问𠮶问题，跟住个女侍应就躁底叫我地排队等多阵啦。呢个时候我已经想闹个侍应，好彩妈咪叫住我话不如去另一间食，所以最后我地就嬲爆爆走，离开左间茶记去揾第二间食。其实我都明白午饭时段餐厅系比较忙啲，但系咪
今日下昼做完野，谂住同妈咪喺附近是但揾间茶记食野，跟住见到呢间王牌冰室就走左入去。
入到去见到好多人排队叫外卖，啲侍应都唔得闲理我地。有一个男侍应递住𩠌咁行过黎，妈咪就问佢有冇两位。点知个侍应好快咁走左，仲细细声讲：「自己睇啦，见唔到冇位咩？」佢讲𠮶阵我喺佢隔离，但系佢可能以为我听唔到。咁好啦，我地咪睇下有冇得㩒飞，见到门口部ipad以为有得㩒飞，点知都系冇。咁啱有个女侍应出完餐走番过去厨房，跟住佢撞到妈咪，对唔住都冇声就走左。𠮶阵我已经觉得有少少㷫。
后来有一枱人走左，冇人收枱上面既野食。我地见冇人招呼我地咪坐低左。有另一个女侍应走埋黎，问我地系咪叫左乜乜乜餐同埋红豆冰，我地话：「我地冇啊，我地系啱啱坐低。」个女侍应即刻好大反应就话：「未收枱做咩坐低啊？」我地心谂：未收得切枱系咪应该系你地既问题啊？个女侍应一路收碟一路不断重复问𠮶问题，跟住个女侍应就躁底叫我地排队等多阵啦。呢个时候我已经想闹个侍应，好彩妈咪叫住我话不如去另一间食，所以最后我地就嬲爆爆走，离开左间茶记去揾第二间食。
其实我都明白午饭时段餐厅系比较忙啲，但系咪都唔应该对住啲客发脾气呢？撞到人对唔住都冇声，而且都唔系得一个侍应对住我地发脾气。我地都其实好声好气咁讲野，但系得出黎既结果系咁差既服务态度。无论野食有几好食，如果继续用呢个态度对住啲客，我谂大家都唔会想喺呢度食。
张贴