花園餐廳 (石山街)

营业中

休息中

5月中的某一天下午来到士美菲路街市对面嘅花园餐，呢间餐厅我都嚟咗好几次，食物质素算系唔错，不过服务员嘅态度就真系有啲问题，有时会见到对着客人显得不耐烦的表情。今次嗌左下午茶餐嘅咖喱牛腩饭配餐汤，唔知系咪服务员心情唔好，个汤嚟到啲汤溅咗出嚟，唔知佢有冇为意，总之一句对唔住都冇就走开咗，好在嘅系个汤都正正常常，个汤都系热嘅。跟住饮完汤，咖喱牛腩饭嚟到，但系嚟到𠮶时好明显咖哩系唔热嘅，试咗旧牛腩，入边只可以用暖来形容，唔知系咪因为差唔多晚市，员工要食饭的关系，所以敷衍了事，作为一间集团餐厅，如果食物质素差、员工态度差嘅话迟早客人都不再回头。