鴻福堂

营业中

休息中

我有一张佢哋嘅储值咭，本人觉得唔想再增值，用晒里面嘅余额就算，但每次俾钱嘅时候，佢一见到我张储值咭就不停叫我增值增值增值增值增值增值增值，真系好烦，我一讲唔增值，佢个面口就变晒，今时今日咁嘅服务态度仲可以生存到咩？鸿福堂可唔可以教育下啲职员唔好成日强迫人增值，我知道要追数，但系知道客人唔增值都唔使即刻改变面口，跟住我要翻热嘅食物，佢话呢样嘢要等好耐个㖞，我话唔紧要，我足足等咗10分钟，跟住佢见到有个客人系长期嚟攞汤，即刻笑面迎人，又猛咁叫人哋攞呢样攞𠮶样汤，我越嚟越唔钟意呢间嘢，唔知大家有冇呢种同感？