瓏門冰室 (已結業)

我哋自己钟意食茶餐厅，上菜够快又平。呢间龙凤冰室好多分店，尖沙咀呢间环境几舒服，座位都算阔落，以茶餐厅来讲好少侍应会咁好礼貌而且好好笑容。我哋点左3个铁板餐 + 2款小食，4个人share食，一来到原来份量系超级多，最后系食唔晒，食净些薯条，个个要捧住个肚走。黑松露芝士焗西兰花 $50热辣辣上枱，焗得啱啱好， 西兰花沾满溶化的芝士，有淡淡松露味，推介！土匪鸡翼 $40要趁热食，啱啱炸起咬开里面还有肉汁的，但略嫌冇咩孜然粉味。至尊海鲜 $100带子，青口，虾球都好鲜甜，薯条系波浪型的，香脆有薯味。奶茶红豆冰 $26红豆大粒，会食到原粒的红豆。奶茶冇加糖，要搅拌低下甜甜的红豆一齐饮。龙凤柠乐 $24已经好耐冇饮啦，好怀旧既饮品，咸柑桔加柠檬可乐，甜甜酸酸咸咸的，唔错。