L Kitchen

营业中

休息中

今次食呢餐厅既午市套餐，午市优惠时间系⌚️11:30 - 4:30，堂食套餐配罐装饮品＋沙律 / 面豉汤。🍝🍝蕃茄鸡肉扁意粉（辣）＄59蕃茄汁食得出唔系普通茄膏整出嚟嘅味道，有啲Fresh，但略嫌过蕃茄汁唔够Creamy，有少少水。不过可能我比较钟意食Creamy啲嘅意粉，觉得个意粉汁一般。但有啲辣味配搭番都算中规中矩，鸡扒份量适中，一份餐有一块鸡扒。个汤都系普通面豉汤，有齐一般海带嘅配料。餐厅位置喺天一商场嘅边位，要行入少少先会留意到。中午时间逼啲，都多学生帮衬。服务态度好而且见店员同啲客仔有倾有讲，不过环境位置舒适度一般，岀入有啲逼。整体嚟讲，下次经过都会尝试埋其他套餐。餐厅除咗意粉之外，仲有日式套餐供应。59蚊包野饮加碗面豉汤，已经比起附近餐厅算相宜。