蠔灘 (已結業)

睇到网上介绍呢个餐厅$10只生蚝好吸引, 仲要有优惠券每人送一只生蚝, 所以就特登入香港仔一试。一开头先叫一打生蚝试下先, 每叫一打生蚝会自动升级一只做大生蚝。经理表示生蚝产地每日都唔同, 我地当日食既系来自法国。生蚝味道都几鲜美, 唔算大只但$10只都好合理, 食唔到蚝壳碎。想食靓D既生蚝其实佢都有其他选择, 但我地都系过下口瘾所以$10呢款已经OK。食完之后我地再即时encore左一打。另外再叫左墨鱼汁海胆鱼子饭同4式芝士pizza。个饭淡味左d, 调味可以重手少少, pizza就唔错, 芝士味够重。当然唔少得呢个龙虾配牛扒, 侍应会系你面前将芝士倒系龙虾上面, 记得要趁热食, 牛扒叫左medium rare, 真系3成刚刚好, 值得一赞。可能新开张关系, 经理服务态度非常热情, 耐心介绍餐牌上既菜式, 希望可以继续保持落去。