寶寶雞煲 (已搬遷) 新店位置

餐厅安排左我地坐楼上，静静地，虽然楼底矮，但冷气强劲，食鸡煲一流!仲可以有电视睇。食物选择多，侍应落单认真，会confirm我地一次。5个人，半只鸡份量偏少，叫左超级微辣，但我唔食得辣，所以对我黎讲都系偏辣，但超级好味。由于我唔食牛，所以叫左豚肉，摆碟好靓，但肥肉有d多。最近钟意左食皇帝菜，打边炉必叫，呢间餐厅仲可以双并，咁就唔惊有人自私食。海虾好鲜甜，食左几只，白鳝片不过不失，正常水准。值得赞赏既系虽然都有漏单，但态度好好，同埋即时follow up，咁样个个都舒服。佢仲有教我地冰豆腐要早早放，可以吸味，会好食d。呢d有实力既餐厅，唔怪得成晚一路有客黎帮衬啦！