華順越南餐廳 (已結業)

1) 星期一13:45 到食个late lunch。 当时人唔多得几张枱。 最近几个月换咗个新职员（师奶）， 服务态度差。 我叫咗平时食开嘅”渔村汤晓蒙”，但因为个肚唔系好舒服而平时佢嘅蕃茄都比较生硬，所以落单时讲咗两三次请厨房将啲蕃茄煮熟啲。由佢入机开始,我一直望住佢， 完全见唔到佢同厨房有任何沟通。 经过我张枱时，我问佢有冇同厨房讲, 佢点头话有 (我心谂,系真唔系。。。） 后来送碗嘢嚟嘅时候，我望个蕃茄， 佢立刻攞我双筷子"tok"个番茄入啲汤里面， 然后话”咁就得㗎喇”。我当时哑左咁。。。.佢接住：”如果煮熟佢，会好淋，一pat嘢咁”。我答佢：”我就系想讲”。 佢回答：“唔会咁样煮㗎”， 然后就走咗。 （最后我冇食过个蕃茄）  好嬲， 蕃茄我可以唔食， 但点解要讲大话？ 如果有问过厨房而厨房真系话唔想咁样煮，我都会接受，但系佢完全冇帮我问过， 仲要tok我碗面！2) 讲埋前几个星期去食晚饭, 食完后亦叫咗”渔村汤晓蒙”外卖返去畀屋企人， 要搭去将军澳。 我请佢将汤同面分开（同一个职员），佢话厨房识得做㗎喇。（冇见到佢同厨房讲）点知返到将军澳，见到冇分开到，啲汤已经畀啲檬粉索晒。