品味人生中國廚房 (已結業)

系０８年既情人节同太太去吃晚饭，坐低后等左好耐都无人开茶，叫仕应又一个推一个。当我地睇完menu点菜时，个仕应话今日系情人节所以只有佢地set定既餐，但我话明明见到另外有几台都系叫menu既食物点解我唔可以，个仕应就揾个经理出黎话因为厨房无套餐以外既食物供应然后就走左。由于当时其他地方都排晒人等位所以唯有照叫佢地set好既套餐。气顶时又黎，等左成２０分钟先黎杯饮品，最搅笑系乜野前菜都未黎就上甜品，我同阿姐讲我乜都未食就上甜品，点知佢话桂花小丸子咪前菜然后放低食物后又闪人。全晚最气顶既野又发生，当我地食得七七八八后有几张６－７人台叫野食，点知佢地完部可以叫menu上既食物，我问个位经理话点解我之前唔可以叫但人地而家又叫得，佢又话惊厨房唔够材料，我就话乜今日街市无开咩，你地咁样做生意点得嫁，大家都系客人但就唔同标准，见人地２个人就老屈人地叫餐，如果你地想增加生意额可以系今日定个minimum charge但就唔好系度双重标准。总结：食物虽然唔差，但系其服务就差到痺，食完令你一肚气。我觉得大把其他选择，无必要去呢间野受气，所以绝对唔推介大家去品味人生。