廣東燒味餐廳

营业中

休息中

下午茶时间堂食人不多，谂住就落大雨买外卖返屋企食就算，周围都系汤汤水水面呀米线呀之类，就试下呢间，贪佢唔使排队。入到去客气地问下收银姨姨有无下午茶呀，收银答有呀系下午果枱枱面呀，ok啦睇下有咩下午茶好食，睇完都系无咩啱食，咁见到外面有个外卖自取就话想要2个出面果个外卖餐牌要杨州炒饭同粟米鱼柳饭，收银姨姨就写完仲等紧我讲落去（开始有d不耐烦），咁我sense到即问有野饮？佢话有汤同汽水啰，其他野饮要加钱，咁我问有无雪碧？收银好似觉得我咁唔通气咁多野问咁答汽水即系可乐呀，咁我话好呀可乐呀唔该，收银即语气开始差地回我嗱！系杯装嫁唔系罐装嫁……咁我咪答哦，好呀～比钱时问下有系Alipay 呀，姨姨又悔气地话无呀，咁我再问有无八达通，佢话有督督佢部机，（即系叫我拍部机上面），我心谂我终于答啱咗一样啦！总结，难怪大家都话要北上消费，留港消费支持经济都无咩用，好似唔需要我地帮衬咁，态度同服务之差到咁，仲有几多港人想系呢度消费呀咁样搞