牛大人台灣火鍋吃到飽 (銅鑼灣廣場二期)

营业中

休息中

其实食物质素都ok嘅，大致上中规中矩咁。但服务态度真系好差，令人唔会想再去。本身谂住天气转凉同朋友开开心心咁去打个边炉，结果换来一肚气，仲要比人急急脚赶走😤事源系咁嘅：佢系按入座/入单时间去计两个钟，咁但系呢张单嘅时间就比我哋真实入座时间早左差唔多10分钟，但我同朋友都好肯定我哋绝对唔系佢所写嘅时间入座，我哋𠮶阵时仲喺街度过紧去。另外，安心出行都有晒纪录，所以我哋绝对有理由可以反驳佢哋。佢哋一开头已经不停催促我哋食快啲，仲要威胁我哋如果食唔切或者食唔晒啲嘢，就会额外计钱。咁都算，但佢哋不突止喺唔够两个钟嘅时候已经屈我哋超时，仲要特登拎所谓嘅证据去同我哋嗌根据佢哋嘅纪录我哋入座时间系𠮶个钟数。我哋都同佢哋解释有可能系佢哋System出错又或者一早入咗单，但佢哋依然好坚持咁样赶我哋走。然后我哋都好无奈咁讲话我哋都系食剩雪糕都唔争在比我哋食埋去，更何况有证有据我哋的确未食够两个钟🤕唔明点解要咁样赶客走，搞到啲客食到咁仓猝，好唔自在。就算系要赶喺下轮客前清理枱面，就算依家牛大人有几出名，都绝对唔会系用咁嘅服务态度对待客人啰😠用咁嘅价钱买成肚气真系唔值，下次唔会再去！