二悅

营业中

休息中

睇到open rice 介绍，山长水远去元朗打算帮衬，见舖头外有几人等位，于是问职员，佢哋话冇派筹，自己排队等就可以，当时外面有两男 及一男女等位，我相信我都排第三啦，我系一家三口，三位，跟住见前面一男有朋友到，职员问个男仔系咪齐人，后就带佢两位入座，当时舖外仍有一男 及另一对男女，咁我都应该仲系排第三啦，等左十五分钟，大家都系舖外行行企企，冇特定排定队，呢个时候又有一家三口到，同我一样两公婆加小朋友，又系舖外行行企企，突然职员又出嚟分别问几多位，问完一男，再问情侣，之后问最后到的一家三口，再问我，问完我几位后，我就再提醒职员我先过果一家三口到的，点知对方竟然唔认，话我冇排队，我同佢讲你一嚟到已经见到我哋啦，谂住职员会出面澄清，点知职员一句话：我哋唔会牵涉你哋争拗，之后就走返入舖，果一家三口的小妹妹都话系人哋嚟先，个爸爸竟然厚面皮坚持不退，再问职员，佢仍然只系话佢哋唔会理，于是我太太话唔好拗喇，职员咁嘅态度间舖头都唔方会好，决定唔食，所以未帮衬呢间嘢已经一肚气！！