發記腸粉粥品

营业中

休息中

今日行经附近本想去新记买外卖食但太早未开门，见对面发记唔系好多人就谂住过去买啦，大热天时行到身水身汗又见个外卖咁耐都未得，食店内又无咩人就坐低系入面等外卖，点知侍应呀婶就呼喝我出返门外等外卖，语气嫌人阻住晒咁，态度差到爆，心谂你都未有堂食客，坐低一阵等外卖洗唔洗咁既态度，就算食物再好食都食到一肚气啦，更何况食店食物只系一般，如果唔系对面新记未开门我都唔会买呢间既外卖啦，只可以讲咁既服务态度好难留住食客，去呢种食店唔奢望侍应呀姐服务100分，但基本对客人既礼貌都无就讲唔过去，始终都系服务业，咁既服务态度接受唔到，相信大家食野都唔想受气架！