Cafe 1950歐陸餐廳 (已結業)

帮亲唔只一次啦，早餐午餐,有时夜晚谂唔到食咩，都会去呢间。今日去完行山，返到大围，就谂住黎食个下午茶。叫左热狗薯条同个面,个伙记唔知做咩放个餐落黎好大声，好地地倾紧计比佢吓亲，都唔紧要，唔好意思都无讲就走左去。到个热狗黎，一切开，个包个底竟然劲焦，正常人都会揾个伙记问下。当然呢个系厨师既问题，唔关个伙记事，但系佢一听完，就示意我地切走个焦低，我地即时呆左系度，然后讲多两讲佢先话换个个比我地，跟著一手将个包扔落垃圾筒。个下真系嬲嬲地，茶餐厅服务态度都唔会咁，黑色衫既阿姐真系离谱。呢个黑色衫既阿姐，之后我地斟野饮，仲系后面好大声讲让一让，佢要放野。到个热狗黎，我同我个fds笑死，竟然'hong'都无'hong'，就比我地，系无焦，但以后都唔想黎食，我明白20几零蚊，要求唔好太多，但都唔系咁，正常人都会问下啦，下次情愿去楼下间大家乐，无咁嬲。讲真，帮亲咁耐，呢度d野食唔难食，早餐好食过M记，午餐好食过大家乐，自由斟野饮，但系服务质素每况愈下lo。今次我地唔好彩，但个黑衫阿姐，同一般既食物质素，呢个价钱，下次行多阵去pizza hut 算啦。