友酒棧台式火鍋專門店

营业中

休息中

食物虽不俗,但价钱贵,重点系餐厅职员服务态度恶劣,受到无礼对待,成餐饭经验好差!首先系带位入座,我地问清楚订座系咪有优惠(只系问一句),侍应表现得几唔耐烦,系咁叫我地坐低先(注:当时后面冇其他客人等紧,场内亦只有几枱客人)。到落order时,另一位侍应态度都好差,因为我地分开两张纸写(两个锅),佢就好大反应,语气好恶咁问我地做乜唔写埋同一张。到之后全程都冇笑容,而且同我地讲野都好似命令式咁。(自问我地冇特别要求,亦都好有礼貌咁同佢讲野,所以好莫名其妙)未试过食一餐饭可以咁受气,其实服务态度唔好,就算野食几好食(虽然呢间唔系)都唔会有返头客,我都唔会推介俾其他人。