禧華餐廳

营业中

休息中

今早我同妈咪大约8时14分入到依间野坐低，眼见一个用行雷一样嘅声线讲野嘅阿姐好忙咁标来标去，咁我同妈咪就睇吓餐牌先，点知8时16分佢一个瞬间转移企左系我旁边，佢话：食乜？快啲！我当堂火起，我话咩话？快啲？佢即刻淆底，唔好意思，因为厨房要时间整！边间餐厅厨房唔需要时间整食物呢😑。跟住我哋叫嘢，我足足重复咗三次我要冻柠茶走甜，同埋重复咗两次我要炸鱼柳公仔面配煎蛋丹麦多士唔系炸鱼柳通粉，而我妈咪就重复咗四次佢要热咖啡同埋炸鱼柳煎双蛋配沙律，唔系鸡翼煎蛋，结果嚟到冻柠茶超甜，炸鱼柳公仔面配肠仔丹麦多士，而我妈咪就俾咗炸鸡翼沙律配煎单蛋😑，咁你叫我快啲有乜嘢用呢？你个脑完全跟唔上速度，啲嘢黎都错晒，跟住佢去换返个六成熟嘅炸鱼柳比我妈咪，而我个公仔面唔知点解极度重碱水味，我食咗一半已经顶唔顺，我发誓一定唔会再帮衬依间所谓嘅餐厅。