影片
更多
2018-10-27
393 浏览
昨晚我地四大一小一B原本订左7:30pm食，咁职员讲话留枱五分钟，咁我就早少少去到，要齐人先入座，入到去比左另外一面厅系好大张既卡位我估坐到8-10个人，我话可以唔洗咁大张，职员话咁咪仲可以坐得舒服，既然你咁讲照坐，坐唔够五分钟叫我地转枱，好咁转啦！转枱都无所谓，佢竟然比张有梳化四人枱加一张二人枱，张BB櫈放左系梳化，变左左右要夹住个BB,而另外三个就坐对面，但谂一谂咁咪有一个人坐开左打唔到边炉，咁我就问有无成张过既BB櫈，职员话无，咁我问可唔可以加一个炉，职员话唔得，要六人以上先可以加一个炉，但我地见手隔离枱五个人有两个炉，职员话我一阵佢收番佢个炉，我地都费事再同佢讲，走人唔帮衬，去其他地方食，食饱经过跟本果个枱无人坐，仲系要爆场，宜间野简直不知所谓，唔怪得佢咁快转手，睇佢几时执笠
张贴