悠閑閣餐廳 (已結業)

依间餐厅系我去过嘅所有餐厅入面服务态度最差。1) 入到去发现张枱仲未执干净，绝对唔系因为太忙，因为有啲员工系栋紧系度，要提醒佢先识得过黎执。2) 点餐个阵叫佢加多啲酱，个员工竟然话「都唔知你讲咩」，如果系我地讲得唔清楚嘅话，我觉得可以更加礼貌咁询问多次，而唔系用啲毫无待客之道嘅态度黎讲。3) 总共叫咗4个餐，其中1个意粉迟迟都未黎，其他迟过我地黎嘅客人嘅意粉都黎咗，只好叫职员催一催厨房，过咗20分钟都仲未黎，再催多次，个员工check一check之后，先再问我地系叫咗边个餐，明显系落漏咗个餐啦，咁点解第一次催单嘅时候冇发现依个问题呢?搞到等个早餐都等咗45分钟，同行嘅屋企人已经一早食完，最后要赶头赶命咁食完，仲要块鸡扒煎焦哂...... 已经好耐冇写食评，今次真系嬲到要写出黎，以后都唔会再黎食！