野姜 (已結業)

今日放工后想去element睇戏，但见有时间所以就到戏院旁既依间餐厅试下。入到去个侍应带左我同我老婆去坐，但明明有卡位,佢竟然比张方枱我地。我地点左个南瓜蕃薯天妇罗，蕃茄牛柳乌冬同安格斯牛肉饭。点点知点果时佢竟然话个餐牌系午餐牌。而家晚餐要散叫。咁都算，咁所以散叫，仲加左杯热奶茶。点知原来杯热奶茶就系焦点，hihi热奶茶竟然系冻既，无错系冻既，你唔系用热饮杯装住杯冻奶茶就叫热奶茶呀？我就叫个侍应换过杯。换过杯之后个侍应又话我放咁耐冻左，叫我快d饮。我几时饮都要你管？你比杯冻奶茶我放几耐都系冻ga la,即系话我呃你啦。跟住个天妇罗，又话北海道南瓜，冲绳蕃薯。同街市买既无分别。个粉浆又厚又油，仲要得4件。未食过咁难食既天妇罗。跟个到个乌冬，跟本就系味精水，d牛又唔新鲜，一阵雪味。我老婆差唔多食完个乌冬，个饭先黎，我心谂你唔系即叫即煲饭呀？我自己入厨房都煮完啦。我唔介意等，但同时间上菜比同枱既客人系基本既礼貌。咁小既事都唔注重，又点会注重顾客既感受。一食落去d牛又多筋又大弹雪味。一餐品质咁差既饭竟然要$300，仲话要折左，真系永远都唔会再去。永久blacklist