北京老家 (已結業)

原本都唔想写劣评，但员工老板处理投诉完全唔可以接受。😡今日跟家人食晚饭，其中叫了北京填鸭2食，一直都无黎第2食，到最后一碟都未到就问其中一位女职员，先知道原来漏咗单。都知道今晚多人少少失误都无怪责佢地，就咁叫佢哋取消咗。之后我地叫左两个甜品，一个豆沙窝饼，一个拔丝士多啤梨。过左一阵，豆沙窝饼黎到，但见到个拔丝士多啤梨送左去后边张枱，但人地明明就仲食紧热食，以为人地专登叫定。但过左20分钟，我地嘅拔丝士多啤梨一直都冇送黎，我就开始觉得后边张枱嘅士多啤梨应该系我哋嘅，就问个职员但都无再话我地听点。之后过左10分钟我地再追，就见到其中一位职员行去后面张枱，问佢地有冇叫，随手就收起咗个士多啤梨（即系一直送错咗去人哋度🤨），之后再有同事行过嚟问我地仲要唔要！ 我地当然唔要喇！叫左另一个拔丝苹果，唔驶10分钟，即刻送到枱上。但等待期间最奇怪系𠮶位男同事行过去后面张枱话「送」左个拔丝士多啤梨俾佢地食。而我地嘅拔丝就要照收钱？ What ? 🤨但重点系呢位同事一直诸多解释都无道歉！！！这一点真系不能接受！