真知味小廚

营业中

休息中

今日农历十五，一向都有初一十五食素习惯，今日经过小西湾真之味，想入去食个素嘅星洲炒米。我刚入去见到门口嘅女伙记，已经表明来意，我要一份走肉走虾嘅星洲炒米，仲问佢做唔做到？过程好声好气！！个女侍应叫我问入做，我再问入便个男伙记，最后由坐收银个阿姐话事。我好清楚，要份走肉走虾嘅星洲炒米，佢问我要唔要蛋，我话要！我见佢自己走入厨房，似交带添。结果嚟咗份，得蛋嘅炒米！！！我唔系未试过喺其他地方，咁样order, 其实畀少啲料，有佢著数！佢驶唔驶葱都无条比我？？？？无洋葱，无萝卜丝？？？？我觉得似畀人整估！！！！！我都谂咗阵，好唔好叫换，但系几十蚊，我之前又讲到咁清楚……最后咬咗两啖，饮咗杯好立刻，就行埋收银叫埋单，佢先知睇到我好唔高兴，我就话：我叫走肉走虾，点解连条葱都无？？？？佢答：你要咪换畀你啰……我照嘟八达通，依间嘢一定无下次！佢持住附近又系民居，又多学校，唔忧客。我嬲在我一入去，已经讲得好清楚，觉得个阿姐似嫌麻烦，唔想做就开声啦！我试过好多次咁叫，都唔会有咁嘅事！