影片
更多
2010-04-28
9 浏览
今晚朋友请食饭,两个去咗沙田揾食,个朋友话想食西餐,见未试过呢间野又唔驶等位就入咗去,我地选择咗个二人晚餐,首先叫咗个女侍应落单时个侍应好心不在弦,一边落单一边左望右望,口吻又好似去咗茶餐厅咁...只问饮咩汤,但餐牌跟本冇写有咩汤选择,落完餐汤又只问主菜要饭定意粉,仲要落完单就攞餐牌走人,真系好无奈,之后谂住如果好食就算啦,点知.....𠮶碟白汁海鲜天使面(sorry~全名唔记得系咩)系暖的又干净净,个忌廉汤冇咩野,等咗好耐黎个脆皮虾伴薯皮...原来是炸的,好像天妇罗似的,真系顶唔顺问个女侍应为何餐牌冇写系炸的,佢话:脆皮丫麻,咪系炸架啰,我同个朋友你眼望我眼,我真的几乎想走人,但个朋友话算!!另外有个雪鱼扒都冇咩野,食完最后收晒野同个朋友倾完计就叫埋单,突然朋友发觉个甜品冇黎过,问佢系咪有甜品佢先话一阵攞埋比你,甜品系一个忌廉士多啤梨挞,士多啤梨唔新鲜,食咗一半冇食,之后叫埋单时问佢hsbc咭系咪有九折?个男侍应话叫餐冇架..."散餐"就有!我问咩叫"散餐"?佢话即系散叫𠮶d"散餐"!真系哭笑不得=.=我就在一头雾水加一肚气之下走人...点解会有d咁嘅服务?睇个环境同埋又系A-1都算
张贴