影片
更多
2024-12-26
686 浏览
平安夜与朋友两人去到该店，到达时间大概9:30，不需要轮候，现场有几张吉枱。入到店面，接待嘅女服务员神色非常呆滞、反应迟钝，佢将我哋带到去入门口第一张大厅枱。我哋觉得坐喺𠮶个位置到完全冇私隐度，唔方便倾偈，所以希望店员帮手安排其他位置。当然，如果现场冇其他位置，我哋亦唔会强求。但系因为时值平安夜，及当时时间已经系夜晚9:30，现场虽然有不少人在用餐，但系亦都有其他靠窗或靠边嘅位置。我哋礼貌查询及请求店员安排其他枱给我们。该神色呆滞的女服务员回应说尝试帮我们安排。过了一会儿，一位男服务员过嚟帮我哋落单。我哋再次询问位置安排，佢面无表情，正确啲嚟讲系黑口黑面，回应我哋落咗单唔可以转枱。我于是同佢讲刚才你哋嘅女服务员话会尝试帮我哋安排。跟住佢粗声粗气咁讲：「开咗单冇得转位㗎㖞！边个应承你？有冇应承过你话系得先！？」我感到愕然，话：「其实一路都同你哋积极沟通话想转枱，你哋亦都冇提及开咗单唔可以转枱。如果系，你哋应该处理咗我哋想转枱嘅意愿先。同埋我见到有其他枱，我哋唔介意等多一阵，可唔可以帮手安排？」该男人继续黑口黑面，粗声粗气回答：「冇人应承过㖞！落咗单啦！」简单啲嚟讲——你食就食，间嘢唔懮做
我哋礼貌查询及请求店员安排其他枱给我们。该神色呆滞的女服务员回应说尝试帮我们安排。过了一会儿，一位男服务员过嚟帮我哋落单。我哋再次询问位置安排，佢面无表情，正确啲嚟讲系黑口黑面，回应我哋落咗单唔可以转枱。我于是同佢讲刚才你哋嘅女服务员话会尝试帮我哋安排。跟住佢粗声粗气咁讲：「开咗单冇得转位㗎㖞！边个应承你？有冇应承过你话系得先！？」我感到愕然，话：「其实一路都同你哋积极沟通话想转枱，你哋亦都冇提及开咗单唔可以转枱。如果系，你哋应该处理咗我哋想转枱嘅意愿先。同埋我见到有其他枱，我哋唔介意等多一阵，可唔可以帮手安排？」
该男人继续黑口黑面，粗声粗气回答：「冇人应承过㖞！落咗单啦！」
简单啲嚟讲——你食就食，间嘢唔懮做。
鸡煲上到嚟是调咗味嘅生鸡，需要自行烹饪。虽然需时不长，但系都系需要自己煮。
其后其他上菜嘅服务员态度是还好的。
讲到底：去食鸡煲打边炉，当然唔会期望fine dining 嘅服务水平，但系依家系讲紧基本服务水平都冇。食餐饭要俾钱仲要受气。一个店员系咁，两个店员都系咁，可能最黑口黑面𠮶个系老细都唔定。
人哋懮做，我哋亦都唔会去第二次。
张贴