花墟茶餐廳

营业中

休息中

首先，呢间花墟茶餐厅内每部冷气机都不停滴水，只要座位上有冷气机，枱面上嘅食物都会被冷气机水污染，卫生环境欠佳。另外，员工态度十分恶劣，直头赶客。当时我地两个人坐卡位，其实后面枱都系二人坐一张卡位，餐厅内亦有其他空位，不是满座。餐厅员工不停要我地坐埋一边，繁忙时间需要客人坐埋一边要搭枱，我哋系十分理解，但当时系有其他空位架㖞，同埋后面枱都系二人坐一张卡位，点解一定要我地坐埋一边呢？同埋如果当时系满座，有客人需要搭枱嘅话，我地一定会坐埋一边让位置出黎比人坐。然后下一秒，我地就听到店内员工不停同其他伙记讲「一阵一有客黎，就要啲客坐呢张枱！」，指明要带其他客坐我地呢张枱，而当时餐厅内系有其他空位，即是佢地非要其他客人坐落黎我地张枱到搭枱不可，亦唔比刚进来嘅客人选择自己想坐嘅位，简直不知所谓，我完全不能理解为何要强逼客人坐你安排的位置，仲要受你气。此外，食物价钱亦贵得不合理，常餐仲贵过澳牛，但起码澳牛食物有返咁上下质素，对客人态度亦友好，呢间餐厅食物直头冇质素可言。总括黎讲，呢间餐厅完全唔识做生意，赶客到不得了，啲态度好似你每枱客都阻住佢做生意咁，希望大家黎到呢间野唔洗受气。