影片
更多
2010-08-09
401 浏览
周未, 我们一家人怀著开心既心情为Daddy庆祝生日, Daddy话想食海鲜餐, 谂谂下不如就试下流浮山啦, 因为成日听人讲呢度有好多海鲜食, 所以前几日我就上左open rice睇下边间系好食既, 咁又睇见d人对呢间球记既评语都唔错咁, 未决定左呢间啰, 又惊住当晚会好多人食要等位, 未就系之前book定位食啰, 点知……原来我地系一步一步咁步入被骗既晚饭, 估唔到食完后一肚气!!! 当日,我地一早就到左流浮山, 因为今次系第一次黎, 原来先发现沿途都会有好几间食店俾大家选择既, 我地一路行,一路都有店员介绍佢地间食店, 有d就话免茶钱仲免加一tim, 但系望落入面就好似无咩人帮衬! 反而球记既门口就无好似其他食店咁有人拉客, 加上望入去又见一早就有2台系入面食紧, 所以我地最后都决定去球记试下, 因为横掂book左台同埋好似间间都差唔多咁!......但是原来唔系啰 @@ 真系超后悔无柬第二间!!!!!一开门入去, 就即刻比阿姐问有无订台, 我话有订5位, 咁佢就带我地入去坐左系一张细台度, 原来当日已经全部full booking,要之前book左台先有得食, 唔怪之得出面无人
当日,我地一早就到左流浮山, 因为今次系第一次黎, 原来先发现沿途都会有好几间食店俾大家选择既, 我地一路行,一路都有店员介绍佢地间食店, 有d就话免茶钱仲免加一tim, 但系望落入面就好似无咩人帮衬! 反而球记既门口就无好似其他食店咁有人拉客, 加上望入去又见一早就有2台系入面食紧, 所以我地最后都决定去球记试下, 因为横掂book左台同埋好似间间都差唔多咁!......但是原来唔系啰 @@ 真系超后悔无柬第二间!!!!!
一开门入去, 就即刻比阿姐问有无订台, 我话有订5位, 咁佢就带我地入去坐左系一张细台度, 原来当日已经全部full booking,要之前book左台先有得食, 唔怪之得出面无人拉客啦, 心谂呢间野有无咁旺啊???? 跟住就有一个女人(我谂系老板娘)又即刻问我地想食咩??? 大姐, 櫈都未坐定就问人食咩? 加上又无餐牌, 点啊阿姐, 你估我地全部系呢度做既咩? 未问佢有无餐牌law, 佢先至慢慢拎过黎俾我地睇…睇左一阵就问下佢d海鲜点计啦, 佢就话可以带我地去海鲜档度睇, 因为可以睇下食咩海鲜! 其实根据我地之前系其他地方食既经验, 自己睇同系度叫都差唔多, 佢地唔会因为你亲自睇而俾d新鲜d既海鲜你既, 所以我地开头都唔想出去睇, 就问下个阿姐d虾几钱斤喇, 第一次佢就话大概百几蚊啦, 哗..咩虾啊, 咁贵咁既?? 咁我地再问基围虾几钱喇?? 佢就已经有d唔耐烦咁….悔悔地气咁话: 都话带你地去睇咯, 我都唔知每样野几多钱架?? 唔通遂样遂样问咩??? 话, 大姐, 我地问黎问去都系虾姐, 大概几钱都知架麻, 我又唔信你有几十款虾咁多!!! 见佢咁既态度, 都费事再问佢 (唔想同佢讲野), 未就话自己去睇law….咁佢就带我地几个人出去间叫” 刘胜记”既海鲜铺选海鲜, 我地就系店员极快速既推销下选左一斤圣子,一斤九节虾,一斤蚬,一条细斑鱼,埋单四百几蚊! 俾完钱就返返去球记等食啦, 点知…..坐左系位唔够5分钟,就见到已经有野上台喇, 第一样就白灼虾,之后就系豉椒炒圣子,接住系上汤粉丝煮蚬, 我都知d野好易煮,但又系未可以咁快手呢?? 再睇返d蚬…食食下先发现, 点解少过我地系海鲜铺买既??? 当我地想数下大概有几多只既时候, d阿姐已经好快手咁帮你拎走哂d壳, 等我地数都数唔到~~~~~~ 都唔知佢地系未一早整定哂d野, 又之后拎咁dlaw......
都算喇, 咁因为我妈咪钟意食辣, 未叫阿老板娘要碟辣酱, 点知佢讲咩啊????? 佢串串地问: 你要辣酱点咩啊???
点啊, 大姐! 我点咩关你x事啊…茶餐厅/大排档要碟辣酱都唔使同你交代啦, 真系越食就越劳气…真系唔明呢d系咩服务态度, 又串又劲赶客咁!!!!!
点知…最嬲既事都仲未发生, 谂住食完快d埋单走人啦, 一睇张单就把几火, 埋单要3百几蚊啊, 哗…我买料都系用左4百几蚊, 虽然我地有另叫白饭+汤, 但围起每碟加工费要$60几70蚊….加埋咁既服务态度, 完全唔值law!!! 总单加埋要$800, 但食左成肚气落肚law~~~
所以我地决定以后唔会再黎呢间铺食海鲜, 免得再有同样事发生, 今日呢间食店真系令我地非常失望, 原来多人食既铺头都唔一定系好野黎架, 下次真系要小心选择!!! 免得后悔+ 最惨系"贴钱买难受"麻.....食到一肚气law (十个失望)
d野食实在太普通所以无野值得影低~~~~
张贴