富臨酒家

营业中

休息中

以为抵食隔涉都刻意搭车去。一坐低就被店员阿姐挑引态度恶劣对待，其实部长已经问咗饮咩茶。转头位态度恶劣阿姐走埋嚟讲咗两字‘唔开‘，我都未知咩事就答已经嗌咗茶。个阿姐又发脾四咁重覆讲‘唔开‘，原来部长头先冇开茶叫佢嚟开。态度恶劣行埋嚟讲唔开系咩意思？跟住我就好火咁回应，你可唔可以礼貌讲清楚，唔开唔开点知你讲咩。到食物方面，唔似系自制冇爆口嘅叉烧包，咸死人嘅小儿麻痺症凤爪，空心烧卖筷子一夹落去唔系实，厚皮虾饺，冇味叉烧濑个汤淡如水，仲有油浸空心炸云吞，全部有图为证。绝冇下次。香港餐饮嘅悲歌，集团都做到咁。啲蒸笼又唔干净，明明个笼上枱系蒸虾饺，有图有真相，蒸笼边痴咗啲饱皮，咁卫生都好麻麻啰。态度无，食物质素无，卫生都无。真系一粒星都唔想比。