Lucy Coffee N Food (已結業)

见到网上有人介绍，经过想试下，入到去见佢枱上有个蛋糕摆起枱面，我就问依款有无得叫，店主就话：其实呢，个蛋糕焗完仲要摊冻，雪一晚，如果即刻甩模呢，系会烂咖，你睇玻璃上面写啲款啦。我只系见依款蛋糕有实物睇，想叫依款，又唔系要食你枱面依个，有咪有，无咪无啰，咁讲嘢令人好不快。当我睇紧玻璃上面啲白色字(因为后面摆咗杂物，啲字比较难睇)，佢已经黑口黑面，准备落单𠮶阵，店主大声唉咗一声，好似好唔耐烦咁。明明后面无人排队，佢又无order整紧，完全唔需要咁赶。我食过5,6间铺嘅巴斯克蛋糕，自己亦都整过，未试过一间嘅蛋糕面系㶶到闻落、食落都有苦味而唔系焦香味，啲㶶嘅位食落口会觉得喉咙痛，要刮走表面𠮶层先食得落口。以事论事，如果食茶餐厅我唔会要求服务质素，但佢价钱唔算低，服务态度咁差，野食质素又麻麻，令人感觉好差。