影片
更多
2024-02-20
1838 浏览
2月16日 二个人去饮茶， 平时呢间嘢服务都系差，不过住对面有时唔想出去就过嚟饮，平时我就好少饮下午茶多数饮中午，咁今日就瞓到2点几， 换得衫落到去到2点半到，新年就冇下午茶， 其实我都唔理佢有冇下午茶。 嗌咗两个炖汤，两个炖汤完全系冻，之后叫咗 鲍汁凤爪， 鸿运脆肠粉，两个点心都系冻，好难食。其他𠮶啲点心只系叫暖，完全唔系热辣辣，冇人斟水 冇人收嘢，叫你斟水好似求你咁 ，啲部长经理就行行企企， 未够三点半，有个执枱杂工就走埋嚟叫你出去埋单，态度恶劣，冇嘢呀， 三点半未够就叫你埋单 ， 感觉都唔舒服，我知你收四点，我未够 四点前都会走㗎啦，唔洗你走埋嚟好似争你钱咁 叫我去埋单， 啲服务不知所谓， 我哋两个人食咗450蚊， 点解香港人个个都唔系香港消费返大陆消费有原因，服务衰到不知所谓， 老板唔去检讨，免费我都唔会再嚟
张贴