影片
更多
2017-10-03
445 浏览
本身冇谂过写食评，所以冇咩影相。但由于服务态度真系唔好，而且几样食物实物同照片实在不符，所以忍唔住上嚟写食评。我哋一行七人，老板请食饭当庆祝中秋节，老板之前食过，佢话好好食，所以就提议我哋食呢间餐厅。我哋每人都点了一个set lunch ,另外点了一个枝豆，及一个吞拿鱼海胆寿司。呢个吞拿鱼海胆寿司，都几好食，可惜我唔钟意佢加左黑松露，那个味道盖了海胆的鲜味。这个听同事讲，好似要差不多＄200只有两件，由于我哋有七人，所以点了4碟。而我点了这个御膳，味道不过不失，我喜欢那个烧鱼，但那个牛肠真的有少少过肥，所以我不太喜欢，好彩我同事喜欢食，我就给了他以免浪费。另外有一小碟squid,可惜我觉得太咸，唔钟意食。这两个菜式都没什么太大问题，有问题的另外两个，我没有影相（因为我真系冇谂过要写食评）。我有三个同事点了满泻海鲜丼，餐牌上真系好吸引，啲刺身鳗鱼真系满泻，可惜那个丼来的时候，完全没有满泻，不过他真的有两块好长的鳗鱼。同事觉得那个刺身麻麻地，唔知系唔系由于啲饭有d比较暖，所以那些刺身都是暖暖的，并没有平时那种好新鲜的感觉。这个要成＄268 ,都几贵呀！另外最有问题的就是那个黑毛和牛定食，餐
我哋一行七人，老板请食饭当庆祝中秋节，老板之前食过，佢话好好食，所以就提议我哋食呢间餐厅。
我哋每人都点了一个set lunch ,另外点了一个枝豆，及一个吞拿鱼海胆寿司。
呢个吞拿鱼海胆寿司，都几好食，可惜我唔钟意佢加左黑松露，那个味道盖了海胆的鲜味。这个听同事讲，好似要差不多＄200只有两件，由于我哋有七人，所以点了4碟。
而我点了这个御膳，味道不过不失，我喜欢那个烧鱼，但那个牛肠真的有少少过肥，所以我不太喜欢，好彩我同事喜欢食，我就给了他以免浪费。另外有一小碟squid,可惜我觉得太咸，唔钟意食。这两个菜式都没什么太大问题，有问题的另外两个，我没有影相（因为我真系冇谂过要写食评）。
我有三个同事点了满泻海鲜丼，餐牌上真系好吸引，啲刺身鳗鱼真系满泻，可惜那个丼来的时候，完全没有满泻，不过他真的有两块好长的鳗鱼。同事觉得那个刺身麻麻地，唔知系唔系由于啲饭有d比较暖，所以那些刺身都是暖暖的，并没有平时那种好新鲜的感觉。这个要成＄268 ,都几贵呀！
另外最有问题的就是那个黑毛和牛定食，餐牌上的照片真系超超超吸引，有几块大大嘅和牛烧左五成熟左右，而且价钱要＄298 ,所以我哋都好期待。点知那个定食来的时候，我们简直O左嘴，以为黎错嘢食，那几块牛跟相比简直差了一大截，很细很干身的，另一同事就话就好似金菇肥牛卷的肥牛。于是我地就反映，其中一两个侍应都解答唔到后，就叫了一个senior 嘅侍应解释，他只是说当然唔可以做到照片那样啦，但我哋话我哋明白，但系都唔可以相差这么远呀！那个senior就叫我地拣其他嘢食啦，或者同返厨师讲，我同事都未决定到，于是那个侍应就把那碗饭拿走，隔了15至20分钟左右，他给我们另一碗，当然一定冇餐牌上那个照片一样，但都比之前那碗好好多，起码唔系之前全熟，今次都有6/7成熟度，而且那个肉都比较嫩。
经过这次换食物事件，已经觉得侍应态度不是太好，当我们叫埋单及要一杯水给我同事食药后，第一个男侍应应完后，过了5分钟左右都冇野黎，所以我地叫了另一位女侍应，那个女侍应真系有做到，可惜全程黑面，好似我哋得罪佢咁，好老实讲呢餐饭以lunch黎讲一啲都唔平，但完全系贴钱买难受。
所以我哋系唔会再去呢间餐厅，以咁嘅lunch价钱好多地方都可以食到，仲要系有质素有服务。
张贴
