魚匠食堂 (已結業)

因为班机delay，夜咗返香港，返到嚟想揾餐厅食野都已经九点嘅事。而家好多餐厅都收十点，鱼匠都唔例外。朋友之前食过话觉得唔错，所以带咗我去食个快餐医医肚先。去到已经九点二，店内小猫三只食紧饭，门口女店员似乎赶收工唔系太想招呼我地...咁我同朋友嗱嗱声落单啦，呢个时间就由男经理开始招呼我地喇。我同朋友都拣咗火灸盛丼，配三文鱼同赤贝刺身，跟百香果绿茶。都知佢地赶住埋数，一落完单即刻叫我地埋单先。拣呢款系因为佢唔洗开炉煮，切鱼生烧两下，一嚟快d有得食😂二嚟无咁得罪厨房大佬。落单后几分钟已经有得食，个火灸盛丼同餐牌个样差唔多，无因为赶时间而无摆盆。火灸盛丼唔算好大碗，有三文鱼，带子，左口鱼之类，d鱼生灸过都好食；刺身方面刀功几好，切得靓仔，唔系碎湿湿咁。衞生理由，芥末就系独立包装果只。饭系有加醋嘅寿司饭，整体加埋都好食同满意嘅。因为店员收哂工，经理见我地好尴尬劲急咁食，仲安慰返我地转头，话唔紧要，佢地餐厅本身都系收十点😂我地食完好似九点九就闪咗，唔想阻人清场收工😂食物质素同性价比系中上，不过我应该会因为经理嘅好态度，而再去帮衬。