台茶店

营业中

休息中

好几年冇帮衬过，近哩一两个月食返，一次堂食都还可以接受。打后有两次外卖自取，第一次俾咗钱嗌分汤，结果冇分到，小事嚟，讲声攞入厨房分返开。第二次最嬲，嗌咗个盐酥鸡面，分汤走青，返到屋企一打开，啲葱好似唔使钱咁成碗汤都系，最过分就系盐酥鸡面，我啲盐酥鸡呢？打电话落去铺头反映问题，系一个阿姐听电话，个阿姐就系咁强调几次话：厨房做紧中学学校订餐，有甩漏在所难免。系呀，一次半次梗系冇问题啦，但系今次已经唔系第一次，做唔到咁多个外卖就咪学人接咁多啦。初时都好声好气同佢讲，后尾阿姐就话：我就唔信其他餐厅冇甩漏喇。哇～听到哩句说话即刻火都嚟埋，我而家系你哋餐厅买外卖，甩漏嘅系你哋，唔通系我嘅问题？一日有过百个中学外卖就大晒？walk in嘅外卖单就唔系单？仲好意思话我打横嚟讲，错就系错，道歉就一定要㗎啦，唔想俾人弹就唔该做实事啦，讲咁多解释做乜姐？冇人想知你一日做几多中学外卖单啰，我只系想正常食餐有𩠌饭啰，你哋嘅错误要我嚟埋单？你估你哋嘅食物味道真系好好咩？如果唔系近近地又加上谂唔到食乜，我真系唔会帮衬啰！永远black list～～冇下次！