影片
更多
2013-10-12
2734 浏览
平时都唔热衷于写食评，但呢次真系忍唔住，上黎写一写。近来搬左去大围附近，听朋友推荐过枫林小馆，试过觉得好食，虽然稍贵，但结果都决定带亲戚来食一餐晚餐。因为要一行人中有老人家，脚做过手术，行路同企得耐都会痛，所以为免老人家要等，已经预早订了位。到达时，先发现店家原来预留了在楼上既一张台，既然冇电梯，见当时楼下又未有咩人客好多空台，老人家会行得辛苦，所以就行左去柜台个边，问问可唔可以调落楼下。「唔好意思呀，我地订左位，但因为有位老人家，行路唔系咁方便，请问方唔方便换一换，安排张台喺楼下畀我地？」而个位唔知男侍应定经理，望都唔望我一眼，好唔耐烦咁答：「冇位呀! 人地今朝坐轮椅都咁上去啦! 」我都明白既然订座时都冇指明要楼下，人地冇安排到都可以理解，只系想知道方唔方便弹性处理一下，如果真系唔方便我都唔会强求。一句「唔好意思，真系安排唔到」，我地绝对冇问题，只系佢既态度实在太差。结果，由于都临近晚饭时间，怕其他地方多人，我地都花左好一段时间先扶到老人家上楼，而大家餐饭都食得唔系咁开心。食物方面，其实唔错，尤其炸鲜奶同乳鸽。其他侍应服务态度都ok, 可惜个位侍应令我觉得佢好唔尊重，所以以后都唔会再
近来搬左去大围附近，听朋友推荐过枫林小馆，试过觉得好食，虽然稍贵，但结果都决定带亲戚来食一餐晚餐。
因为要一行人中有老人家，脚做过手术，行路同企得耐都会痛，所以为免老人家要等，已经预早订了位。
到达时，先发现店家原来预留了在楼上既一张台，既然冇电梯，见当时楼下又未有咩人客好多空台，老人家会行得辛苦，所以就行左去柜台个边，问问可唔可以调落楼下。
「唔好意思呀，我地订左位，但因为有位老人家，行路唔系咁方便，请问方唔方便换一换，安排张台喺楼下畀我地？」
而个位唔知男侍应定经理，望都唔望我一眼，好唔耐烦咁答：「冇位呀! 人地今朝坐轮椅都咁上去啦! 」
我都明白既然订座时都冇指明要楼下，人地冇安排到都可以理解，只系想知道方唔方便弹性处理一下，如果真系唔方便我都唔会强求。一句「唔好意思，真系安排唔到」，我地绝对冇问题，只系佢既态度实在太差。
结果，由于都临近晚饭时间，怕其他地方多人，我地都花左好一段时间先扶到老人家上楼，而大家餐饭都食得唔系咁开心。
食物方面，其实唔错，尤其炸鲜奶同乳鸽。其他侍应服务态度都ok, 可惜个位侍应令我觉得佢好唔尊重，所以以后都唔会再黎。建议其他人黎既话，而又有老人家既话，订台时睇下可唔可以讲明要楼下既台，以免再受气。
张贴