煌苑

营业中

休息中

年初三本来打算一家大细开开心心饮餐茶，有小朋友，所以拣咗呢间有平台公园玩嘅酒楼。一早8点几打去book台，个侍应话booking full咗，叫我去walk in，咁我要攞张12人大台，就早一个钟去walk in 攞飞仔等啦。但眼见门口个位知客小姐只系俾大台俾booking个啲客，我哋攞咗飞等咗成个半钟都冇分派一张大台俾walk in 个啲。如果唔会分台俾walk in 客，咁你叫人去walk in做乜。问佢佢就好冇礼貌咁话'系咁架啦，人哋年初一等三个钟都系咁啦' 但当时有老有幼，唔方便再去第二间，加上已经等咗成个半钟，唯有死忍等埋佢。终于等到台，但仲谷气，门口个位已经态度极差，入到酒楼啲侍应态度一样差，三催四请都唔会帮你加水，食物味道一般，仲要漏单。好好哋饮餐茶但搅到个个都唔高兴，我一定唔会再帮衬，亦唔会介绍呢间服务态度超差，食物水准一般嘅酒楼俾朋友。