米線陣 (海富中心)

营业中

休息中

第一次遇到服务态度非常恶劣嘅体验，平日都会食米线阵，因为男朋友话喜欢食佢个大汗猪扒，曾经去铜锣湾分店，态度非常好，所以对佢印象都唔错。但今日我真系忍唔住要留个comment去批评下，7点黎个晚饭，无人企门口又见到吉枱就自然行入去谂住坐低，点知一行入门口就大叫我地去拎飞，但过几秒又叫哂几张枱嘅飞，但又唔系有人带位，都唔知叫人拎飞做咩。周末比较多外佣姐姐，连续几枱姐姐都俾佢哋闹，最过分人哋几枱客都叫个好似过桥米线share，又无拎碗仔俾人，就叫人出去自己拎，几个客自己系餐厅揾只碗，然后隔离枱个外佣姐姐想要只叉，就自己行去隔离枱拎，个职员竟然闹佢点解唔话佢听，话个餐具盘系for第二日早餐，你咁样做会令佢做多咗野，个外佣姐姐吓到讲sorry又话no next time，真系好过份啰。虽然佢系外佣姐姐，但都系客人，岩岩叫人自己去拎碗，转头又闹人自己去拎叉，我坐喺隔离都忍唔住望多几眼。有留意到佢哋对外佣姐姐态度特别差，人哋问咩都系用不屑嘅咀脸，就算人哋岩岩行入餐厅，都会用唔耐烦嘅语气同人讲嘢，我见几枱客人都非常不满。到我地离开，就见到个牌写住ABM嘅女职员，一边食住对面KFC个葡挞一边同我哋收钱。