鮨匠 (裝修中)

嚟过几次食饭，一次差过一次！今次嬲到要写评语! 呢度全部侍应都无礼貌，粗声粗气，次次去都听到佢地整跌啲碗碟落地，总之成个环境好嘈！呢次仲要反问我佢手上啲食物系唔系我叫嘅! 明明啲order喺你度，个客又点知你攞住𠮶啲嘢系唔系自己落嘅order呀！到发现原来你手上𠮶碗嘢唔系我嘅，仲要寸个客唔知你攞住𠮶碗嘢系咩，有无搅错？到我食完个餐，同个侍应讲仲有样嘢未到，佢竟然大大声同我讲「唔可以催单㗎！我催厨房，会俾人闹㗎！」几咁霸气! 吹涨! 到去收银处俾钱𠮶阵，个收银阿姐喺度同另一个职员一路讲嘢一路讲粗口，然后好悔气咁同我讲「嗱! 多谢! 」! 好怀疑自己究竟系入咗间日本餐厅，定系谭仔.... 讲真，谭仔啲阿姐仲有礼貌过佢地好多啰！