天仁茗茶 (港鐵天水圍站)

营业中

休息中

每次嗌天仁茗茶都好似抽奖咁样，一时又好水，啲珍珠又未煮熟，一时又会好唔错。今次经过港铁站，发现好耐冇饮天仁，突然之间啲奶茶瘾上咗嚟，于是嗌咗热珍珠奶茶、热珍珠奶绿，冬天饮完热奶茶成个人即刻暖咗多好，两杯奶茶茶味均比奶味较为浓郁，正常发挥，热饮来讲，个人会比较推荐珍珠奶绿多过珍珠奶茶，热嘅珍珠奶茶茶味太重，冚过晒啲奶味，就纯粹似红茶加咗糖咁。另一方面，想讲天仁茗茶员工服务态度有好大嘅进步空间，上次落单𠮶阵可能已经九点几，人流比较少，啲员工好似开始执紧嘢，准备放工，黑口黑面，用一个「你阻住我收工」嘅口吻同我讲嘢。今次再帮衬，只系因为成个地铁站得佢呢间奶茶舖，而且冬天好冻，我净系想买完快啲返屋企，但可见员工嘅态度明显冇改善，仍然系「被逼营业」feel，其实，员工若果唔想翻工我唔会强逼你，希望可以俾返啲态度。