越華會海鮮館 (已結業)

食完一肚气，book左台7点钟约05分人齐落order，6个人叫左8个菜唔使2个字全部来哂，OK fine上菜快本来系好事，奈何我地亦都好快清哂D食物一件不剩，睇下时间都只系7点半到，呢个时候侍应竟然好主动埋来问我地D𩠌来齐未，跟手见我地答来哂就好直接同我地讲叫我地埋单因为出面仲有人等紧张7人台，出来食饭第一次比食肆催客走，但入座前又无讲明呢度食饭系有时限!以食物质素而言，公道D讲系唔错，之但系6人份量一碟9只蛋黄虾都要$198，沙拉骨比尽约9件左右，抵唔抵食见仁见智，但味道系可以既，环境够光猛但就比较嘈，食过后结论系：如果纯粹食饭医肚呢度系可以考虑，但一班人食完谈天说地想坐多阵就免问，放题一般起码都有2小时任食，呢度只要再无ORDER落佢就会赶人，咁会令食客好不愉快，所以一致决定帮衬左呢次就算，各食客们请自行斟酌。