夏麵館 (樂富廣場)

营业中

休息中

因为钟意食上海野，间唔中都会黎食下野，尤其系酸辣汤面，如果自己一个黎食唔到咁多野我都会点一碗酸辣汤面。平时食开都无咩野，今日真系一肚气⋯1）对筷子未用已经系污糟，未洗干净，我同个黑衫职员讲要换一对，佢竟然将另一张枱果对交换就算数，无得顶！2）落左order 15分钟碗面未到，叫个黑衫职员追下，佢回答无礼貌，态度真系麻麻，自己职员落漏order无道歉个样仲串串共。3）餐单写明会收茶钱但系饮完杯茶好耐都冇人斟水，当时晚上9点几，客人唔多，当时系有足够职员有凸，佢地冇谂过留意客人枱面，只系一味执场，唔知系咪赶住一够钟收工就可以走人。4）个人建议呢间连锁餐厅可以提供「餐巾」，如客人遗忘带纸巾都唔使用手抺咀，做饮食贴心一d。其实夏面馆食物质素几好，但服务态度真系有待改善，可能而家香港人怨气高，希望公司可以多点培训，搞返靓仔去。