影片
更多
2018-11-12
299 浏览
添好运出名就大家都知，难得今日早放工有时间，经过添好运又咁难得有位，谂都唔洗谂试下呢间奥海城隔离嘅分店啦！🤤我地两个人叫咗6个点心，上菜速度合理。但啲阿姨见到有客挥手都爱理不理，笑到四万咁口唔该前唔该后，佢地先会俾反应，成件事调转咗，好似佢地系客我招呼紧佢地咁🙈🙈🙈明白嘅，饮食业速度快、压力大，面无表情好正常。但朝早11点几先啱啱做生意，姐姐啲反应同服务真系差左少少。讲返食物，最好食一定系招牌雪山叉烧包！👍👍👍外皮松软，叉烧份量亦合理。但其他几样就一般般啦，虾饺皮尚算薄，但虾肉唔算特别新鲜。春卷烫口，明显系新鲜炸出来的👍，但味道极一般，食完都唔知入面有咩馅料。大家都知饮茶叫滑蛋牛肉蒸饭，块肉系同牛肉球一样。但呢块牛肉饼真系淋过毛巾，冇马蹄亦都冇牛肉味，惊死人哋食唔出沟咗好多粉咁。😞鲜虾菜苗饺：无感想，不值一提。总括而言，点心只属一般大酒楼货色。好彩价钱唔算贵，讲唔上抵食，只可以话系不过不失。食饱本来谂住买单走人啦，点知好戏在后头。😑添好运的座位一向浅窄，我在座位上企起身的时候唔小心跌了银包在地上，我当然马上蹲低执返，过程唔超过5秒。一抬头见到姐姐攞住两笼点心，准备上菜俾邻桌，立即讲了一
我地两个人叫咗6个点心，上菜速度合理。但啲阿姨见到有客挥手都爱理不理，笑到四万咁口唔该前唔该后，佢地先会俾反应，成件事调转咗，好似佢地系客我招呼紧佢地咁🙈🙈🙈
明白嘅，饮食业速度快、压力大，面无表情好正常。但朝早11点几先啱啱做生意，姐姐啲反应同服务真系差左少少。
讲返食物，最好食一定系招牌雪山叉烧包！👍👍👍外皮松软，叉烧份量亦合理。
但其他几样就一般般啦，虾饺皮尚算薄，但虾肉唔算特别新鲜。
春卷烫口，明显系新鲜炸出来的👍，但味道极一般，食完都唔知入面有咩馅料。
大家都知饮茶叫滑蛋牛肉蒸饭，块肉系同牛肉球一样。但呢块牛肉饼真系淋过毛巾，冇马蹄亦都冇牛肉味，惊死人哋食唔出沟咗好多粉咁。😞
鲜虾菜苗饺：无感想，不值一提。
总括而言，点心只属一般大酒楼货色。好彩价钱唔算贵，讲唔上抵食，只可以话系不过不失。
食饱本来谂住买单走人啦，点知好戏在后头。😑
添好运的座位一向浅窄，我在座位上企起身的时候唔小心跌了银包在地上，我当然马上蹲低执返，过程唔超过5秒。
一抬头见到姐姐攞住两笼点心，准备上菜俾邻桌，立即讲了一句唔好意思，然后便行开了。
点知我就得罪咗呢位姐姐啦。姐姐开始骂，话我有乜理由蹲低执左银包先，不断向邻桌的客人指骂我，说我如果不小心向上撞，她的点心就会倒泻。
但问题是，你在一旁看着我站起身时银包跌在地上，我又已经马上拾起，难道你就一定要在我拾起银包时向前上菜？就不能在原地多等我5秒？还是我应该先等你慢慢上菜，由得银包喺地下？你上菜时踢到或跘到，咪又系话我点解唔执咗先。我在地上执紧嘢，你竟然想继续在我头顶上菜？到底是谁的行为不合理？🤧
本来谂住算啦，做嘢燥底正常嘅，互相体谅啦。点知姐姐嘅指骂一直没有停止。我走到柜位前、买单、找钱直到走出门后，她仍然向著邻桌的客人不断骂我。🤷🏻♂️
小事化大，实在是欺人太甚。我道气吞唔落，又冇办法做到佢咁泼妇骂街，唯有上网做键盘战士。
整体来讲，呢间添好运的服务态度有待提升。一间咁出名嘅食肆，服务态度咁差实在不能接受。又或者人哋咁出名，根本唔忧做啦。但对我黎讲，这样的食物质素及服务态度，无下次。
张贴
