Why 50 (已結業)

前幾日諗住同個朋友去食個早餐。去到點餐嘅時候發覺收銀嗰位小姐目無表情好似唔憂做咁嘅款。我同事雖然係唐人樣但係淨係識得講英文所以就用英文先點餐，而我咁啱就同佢傾緊計所以好自然就跟住講英文去點餐。可能嗰位小姐聽到我有香港人口音於是同我我講返廣東話。但係之後佢再同我個朋友講係都要講廣東話，我個朋友就聽到一頭霧水，搞到好似我哋特登要講英文玩野咁。朋友同我講唔知點解一朝早諗住食個nice breakfast before starting the day但係就唔知點解要俾人黑面同受氣。咖啡同食物都正正常常，價錢我覺得偏高但都可以接受。不過因為嗰位小姐嘅態度我相信我應該唔會再過嚟。