魔衣櫥咖啡廳 (已結業)

朋友生日，佢又钟意哈利波波，就特登拣咗呢间主题餐厅，同佢切蛋糕，间餐厅胜在夜晚就变酒吧，开到好夜。因为朋友要夜啲先到，我同其他朋友就食咗晚饭先，再等埋佢11点几上嚟一齐到咗12点切蛋糕。一去到我同朋友想坐近窗口位，但系店员话冇位要我地坐去另一边，但明明窗口旁有吉枱，我哋就以为有人订咗，不以为意。到咗我哋食完饭，窗口𠮶边仍然无人坐，我哋就要求掉位过去，另一个店员就话冇问题。到咗最后主角到咗，我哋本来四个人，后来仲有一个朋友加入，隔离个张四人枱只系坐咗两个人，而隔离嘅客人亦好好人主动想让另外半张枱比我地，当我地想将张枱拍过嚟嘅时候遭店员阻止，唔俾我哋拍张枱，话要问过老细先，最后结果竟然系唔俾。我哋冇同佢争拗，就好迫咁五个人坐张四人枱，但明明隔离系有枱嘅，亦无人坐。事后我哋发现，系某两个店员态度特别唔好，处事方式亦有问题，讲返佢嘅食物质素，食物份量系比较少，同埋价钱算系中上，但其实都系好食嘅。另外嘢饮亦尚算精致好饮，餐厅环境亦算坐得舒服，不过就算系咁，下次都唔会黎帮衬了。