影片
更多
2013-05-30
1885 浏览
因为今晚带爸爸妈妈去新光戏院睇南海十三郎，所以先嚟北角食饭。睇食评揾到呢间铺头，就嚟试下，点知食到一肚气！食物一般，但服务态度极之恶劣！话说我哋三个人18:30入座（注：老板娘喺门口好大声咁话要人齐先可入座，喺我哋前面有两位未齐人都唔俾佢入！），因为之后要留枱俾一团十人嘅食客，楼面同我哋讲19:30要还枱，我哋话冇问题。过咗二十五分钟，个团十人订枱有一个人先入座攞枱，系一个人！佢先坐左张四人枱，等紧我哋还枱。呢个时候19:00都未够，楼面已经企系我地侧边，不停咁问我哋食完未，起势系咁执我哋张枱，兼企喺侧边望住我地食。我哋入座后食咗半个钟都唔够，就算食完，坐一阵间消化下都得挂？个刻都只喺19:05，见我哋差唔多食完，但无意识要起身还枱，自动喺我哋枱面攞咗我哋张单。唔够一分钟，豪不客气咁队张单嚟叫我哋埋单。我哋问佢，我地坐低只系半个钟，就已经摧我哋埋单，使唔使咁赶？明明话19:30前交枱！个楼面一听，即刻发烂渣话：「咁你哋慢慢坐啦！」Ok,我哋即走。埋单时，收钱个老板娘一句声都无出。咁嘅待客（赶客）之道，你会唔会再帮衬？！？
食物一般，但服务态度极之恶劣！
话说我哋三个人18:30入座（注：老板娘喺门口好大声咁话要人齐先可入座，喺我哋前面有两位未齐人都唔俾佢入！），因为之后要留枱俾一团十人嘅食客，楼面同我哋讲19:30要还枱，我哋话冇问题。
过咗二十五分钟，个团十人订枱有一个人先入座攞枱，系一个人！佢先坐左张四人枱，等紧我哋还枱。呢个时候19:00都未够，楼面已经企系我地侧边，不停咁问我哋食完未，起势系咁执我哋张枱，兼企喺侧边望住我地食。我哋入座后食咗半个钟都唔够，就算食完，坐一阵间消化下都得挂？个刻都只喺19:05，见我哋差唔多食完，但无意识要起身还枱，自动喺我哋枱面攞咗我哋张单。唔够一分钟，豪不客气咁队张单嚟叫我哋埋单。我哋问佢，我地坐低只系半个钟，就已经摧我哋埋单，使唔使咁赶？明明话19:30前交枱！个楼面一听，即刻发烂渣话：「咁你哋慢慢坐啦！」
Ok,我哋即走。埋单时，收钱个老板娘一句声都无出。
咁嘅待客（赶客）之道，你会唔会再帮衬？！？
张贴