深仔記

营业中

休息中

今日星期日带完小朋友去兴趣班，去附近食嘢，食完出边就落大雨(系落到倒水甘），当时大约下午二点半左右，假日观塘区人流系唔系繁忙的，小朋友食完就想训，见无人等位（间餐厅大约只有1/2至 2/3什至更少人坐紧），出边下大雨，所以我就俾小朋友系我大脾训一阵，我地2个人系坐一边卡位，而对面卡位我只放左把缩骨遮系旁边。坐左大约45 分钟后，有个职员大妈阿姐，系度单打我地，同佢d 同事讲，哗俾个细路系度训霸住哂个位，仲放把遮系对面霸哂（把缩骨遮已经系收好的，只放旁边）。当时系无人等紧位，仲有其他位吉的，外面系继续大雨。其实佢要我让出个位俾返佢，同我讲餐厅唔俾人坐甘耐，系可以大大方方同我讲，好乐意立即俾返佢，完全无hard feeling ，因为的确坐耐左，并唔系用依个单打方法啰。我都想食完就走带佢返去训，我未食完出边已经落紧大雨啦，大佬。原来一个3岁小朋友食完嘢休息一个钟多d 都系容不下(外边仲落紧大雨），要用到单打人地同人地讲佢介意霸住佢地个宝贵卡位，真系又开眼界，间餐厅请到甘赶客的人我真系祝福佢。