影片
更多
2021-10-18
322 浏览
于2021年10月14日晚上到位于沙角的百汇轩。我们先点了小菜，接著再商量想叫鸳鸯炒饭，我哋先问黑色衫中级侍应A有无鸳鸯炒饭，佢话有，咁就非常好。点知我哋食咗7成嘅小菜，个饭都系未嚟，于是问返侍应A有无落单，佢好串咁回应「梗系有啦，我落单嘅！」于是佢去帮我check有无落单，笃咗部机好耐。过咗一阵，再问，佢都话去睇下。隔咗一段时间，我问侍应B，佢好无礼貌咁话净系做小菜，炒粉面饭要等下。我心谂「大佬呀！你间酒楼咁大间，营业咗咁耐，唔想炒咪出声啰，我可以叫白饭嘅啫！」我哋话，如果无，不如取消啦！我哋都食晒小菜啦！点知佢话应该预备紧，唔可以取消。真系吹胀！最后，侍应A拎碟鸳鸯炒饭嚟啦！一睇，哗！真系吓亲，唔系红白汁都算，虾果边成个汤饭咁，仲要个饭收$128（真心！大家乐仲炒得好过佢），即时问佢呢个系咩炒饭，个中级侍应A走咗去，扮听唔到。可能全酒楼啲侍应知我哋追个饭，跟住啲侍应black list我哋，举极手埋单都无人嚟。侍应系多，钟意自己友倾计，但服务态度真系⋯⋯👎🏻👎🏻👎🏻
最后，侍应A拎碟鸳鸯炒饭嚟啦！一睇，哗！真系吓亲，唔系红白汁都算，虾果边成个汤饭咁，仲要个饭收$128（真心！大家乐仲炒得好过佢），即时问佢呢个系咩炒饭，个中级侍应A走咗去，扮听唔到。
可能全酒楼啲侍应知我哋追个饭，跟住啲侍应black list我哋，举极手埋单都无人嚟。侍应系多，钟意自己友倾计，但服务态度真系⋯⋯👎🏻👎🏻👎🏻
鸳鸯炒饭
$128
15 浏览
0 赞好
0 留言
张贴
