明星海鮮酒家 (已結業)

今晚(5/11)去到谂著食晚饭, 七点钟都未够, 如常地同门口既知客拎位, 拎位时讲左两次话唔食烟, 等左几分钟, 个知客话有台, 我地行入去, 发觉个位系吸烟区, 于是就同入面另一个知客投诉, 个知客就话门口果位俾错左, 仲叫门口位知客补台俾我地.去到门口, 个知客好似唔多顺气, 又问:\"先生你之前有无讲话非吸烟?\" 我地拎位时已经讲左两次话唔食烟, 咁当然答有啦, 咁佢\就补过张飞俾我地, 叫我地再等, 我地都觉得奇怪, 当时间茶楼都唔多人, d台好多都系空既, 照计佢\应该即刻补台俾我地, 我地等下等下就半个钟, 果时亦开始多人, 于是我地就问个知客, 系咪唔记得补台俾我地, 佢\居然答, 你无订台, 我要俾晒位订左台既, 我先会俾台你, 要等几耐, 答唔到你.咁都得, 个知客好明显系唔顺气, 特登玩我地! 但无乜所谓, 我地去左第二间食, 人地礼貌好过佢\, 环境同食物都好过佢\, 全世界唔只得你一间食肆架, 而我地系等位既期间, 亦见到唔少人都有投诉同不满, 咁既服务质素, 真系无下次.