裕滿人家

营业中

休息中

食物质素已属平平无奇，更令人失望透顶的是侍应奇差无比的服务态度。前晚去食晚饭，个位发紧梦既女侍应落错单，明明叫左蒸鱼变成铁板烧鱼已经算数啦，点知个位亚姐唔认唔特止，仲屈人攞出张纸话系个客自己写个𩠌个number，试问有冇一间酒楼，叫𩠌要个客自己写低个𩠌名落单而唔系侍应自己写架，讲都冇人信啦。最后好唔情愿改左个「柯打」，点知等成半个几钟条鱼影都唔见，催足三次冇人睬，被迫要取消左佢。成餐饭俾呢位亚姐激到饭都食唔落架啦，点知佢个经理仲冇品，对唔住都冇句，仲一边埋单一边单单打打，简直就冇职业道德可言。佢哋知唔知咩系专业服务，正如刘华话哉「今时今日甘既服务态度点德架」。其实，呢种事系呢间酒楼已经唔系一次，因为区内酒楼数目唔多，好多时啲街坊谂住睁一只眼闭一只眼就算数，点知每下愈况，以后贴钱都唔会再帮衬架啦。